Guhit

Iguguhit ko lahat ng bagay na nagpapaalala sa akin sayo
Iguguhit ko bawat ngiti mo na nakatatak sa utak ko
Iguguhit ko lahat ng masasayang araw noong meron pang tayo
Iguguhit ko ang malulungkot na pinagdaanan bago tayo sumuko
Iguguhit ko bawat halik
Iguguhit ko bawat paghawak mo ng aking kamay
Iguguhit ko bawat yakap dahil sa pagkasabik
Iguguhit  ko bawat pusong di mapalagay
Iguguhit ko bawat awit na inawit
Iguguhit ko bawat pelikulang nakita
Iguguhit ko bawat anibersyong sumapit
Iguguhit ko bawat detalye ng ating estorya
Iguguhit ko bawat pagtatalo
Iguguhit ko bawat tampuhan
Iguguhit ko bawat natanggap na payo
Iguguhit ko bawat bagay na pinagselosan
Iguguhit ko kung san tayo naging malabo
Iguguhit ko kung san oras natiy di mapagsabay
Iguguhit ko kung san tayo tuluyang sumuko
Iguguhit ko kung san tayo tuluyang naghilaway
Iguguhit ko bawat pangakong napako
Iguguhit ko ang mga araw na tila tayo ay walang ka alam alam
Na ikaw at ako ay tuluyan ng nagbago
At Iguguhit ko ang huli nating paalam
Iguguhit ko lahat ng alaala
Umaasang sa bawat linya,
Sa bawat kulay na aking ipininta
Sa bawat pagdapo ng lapis at sa bawat permanenteng tinta
Ay unti unting mabura
Ang memorya mong nakatatak sa isip at kaluluwa
Na tila mas malinaw pa
Sa dahilan kung ano nga ba ang nangyari sa ating dalawa